ამ გვერდზე იქნება განმარტებული ელეტროობის ორი ყველაზე მთავარი ცნება - დენი და ძაბვა.
უმეტესობისათვის დენი ეს არის რაღაც რაც მიედინება ლითონის მავთულში. რეალურად დენი არის ელემენტარული ნაწილაკების - ელექტრონების მოძრაობა. თუმცა მოდით უფრო მარტივი მოდელი შემოვიღოთ რომ ყველასთვის გასაგები იყოს. დავუშვათ რომ მავთული ეს არის ჩვეულებრივი მილი, ხოლო დენი არის მასში გამავალი წყალი.
იმისათვის მილში წყალმა იმოძრაოს, საჭიროა წნევა. რაც მეტია წნევა, მით უფრო ჩქარა მოძრაობს წყალი მილში. განმარტება: წნევას დავარქვათ ძაბვა (აღნიშვნა U). ძაბვა იზომება ვოლტებში, ხოლო მოწყობილობას რომელიც ზომავს ძაბვას დავარქვათ ვოლტმეტრი (მანომეტრის ანალოგი).
ეხლა გავზომოთ მილში გამავალი წყლის რაოდენობა. ამისათვის მილზე დავაყენოთ მრიცხველი რომელიც დაითვლის გამავალი წყლის რაოდენობას. ეხლა შეგვიძლია დავითვალოთ ერთ წამში მილში გასული წყლის რაოდენობა, რაც ასახავს წყლის დინების სიჩქარეს. ანუ დავუშვათ 1 წამში მილში გაიარა 5 ლიტრმა წყალმა, მაშინ ვამბობთ რომ დინების სიჩქარეა 5 ლიტრი/წამში. დავარქვათ ამ პარამეტრს დენი.
როცა მავთულს ვადარებთ მილს, ერთი მთავარი დაშვება უნდა გავაკეთოთ, თუ ჩვეულებრივ მილს გადავჭრით, იქიდან წყალი გადმოიღვრება, მაგრამ წარმოვიდგინოთ რომ ჩვენი მილები განსაკუთრებულია, მათი გადაჭრის დროს ბოლოები თავისით შედუღდება და იკეტება, და შესაბამისად ასე გადაჭრილი მილიდან წყალი არ გადმოიღვრება. ზუსტად ანალოგიურად, გაწყვეტილი მავთულიდან დენი ვერ "გადმოიღვრება".
